★किल्ल्याबद्दल थोडक्यात:-
१) पोहचाल कसे?
नाशिकपासून वायव्येला हरसूल मार्गावर ३५ किलोमीटर अंतरावर वाघेरा हे गाव आहे. ह्या वाघेरा गावपासून त१ किलोमीटर आत गेलात की राजविहिरवाडी नावाच पाड आहे. इथूनच आपण वाघेरा किल्ल्याच्या पायथ्याला येतो.
२) किल्ल्याची उंची:- समुद्ररसपाटीपासून ३४४४ फूट
३) किल्ल्याची श्रेणी :- मध्यम
४)डोंगररांग:- पेेेठ सुुरगाणा
५) इतिहास:-
वाघेरा हे गाव सती घाटाच्या तोंडावर आहे.या सत्ती घाटावर लक्ष ठेवण्यासाठी किल्ल्याची निर्मिती झाली असावी. आकाशात घुसलेला वाघेरा किल्ल्याचा उत्तुंग उंचवटा आणि त्यावर फडकणारा हिंदवी स्वराज्याचा ध्वज आपले दुरवरूनच लक्ष वेधून घेतो.
६) किल्ल्यावर काय काय पाहणार?
राजविहिरवाडी पासून १० मिनिट चालल्यानंतर आपण पहिल्या पठारावर पोहचतो येथेच चापट मारुतीची मूर्ती आहे. पुढे थोडासा उंचवटा आणि पठार अशी वाट आहे. कातळकड्यातून वर चढण्यास पूर्वेला कातळकडयात कोरलेल्या पायऱ्या आहेत. कातळकडा चढल्या नंतर काही जुन्या वाडयांचे अवशेष आणि जोते पाहायला मिळतात. किल्ल्याच्या माथ्यावर उंच झेंडा आणि एक शिवलिंग , नंदी, विष्णूची मूर्ती आणि एक बिना धड असलेली दगडी मूर्ती आहे. ह्याच कातळकड्यात उत्तरेला पिण्याच्या पाण्याच कोरीव टाकं आहे.
★महत्वाची टीप:-
गडमाथ्याची वाट अतिशय निसरडी आहे, प्रॉपर ट्रेकिंग शूज घेऊन जाणे.
★काही छायाचित्रे:-
★पूर्ण माहितीपट Youtube वर अपलोड केलेला आहे.
नक्की पहा....
No comments:
Post a Comment